السلام عليكم و رحمة الله و بركاته
استغفر الله العظيم
استووا.. اعتدلوا.. استقيموا يرحمكم الله
الله أكبر
الله أكبر
أحمد ركز بأه في الصلاة وبلاش تسرح،
طيب خلاص،
إمممم.. هو الراجل اللي جنبي ده صوابع رجليه عاملة كده ليه؟
صباعه الكبير ده كبير أوي،
آه بمناسبة الصوابع هي صوابع زينب دي اللي هيا إيه؟
بيتهيألي دي اللي عاملة زى الزلابية،
زلابية؟؟ زلابية إيه بس وبتاع إيه
الله أكبر
أحمد ركز ياأحمد،
طيب ماأنا مركز أهوه،
مركز إيه طيب أنت قريت سورة إيه؟
أنا قريت سورة اللهب شفت بأه أنا مركز إزاي؟
لألأ دي كانت سورة الفيل
سمع الله لمن حمده
ربنا ولك الحمد،
أنا جعت،
بس مش عارف أفطر إيه النهاردة؟
آه المطعم الجديد اللي كانوا بيتكلموا عنه أمبارح،
بيقولوا عليه أكله حلو،
بس هو في شارع إيه؟
لما أخلّص الصلاة أتصل بالتليفون أعرف العنوان
;الله أكبر
هيا الساعة كام دلوقتي؟
زمانها أربعة وخمسة،
على فكرة هيا الساعة الثانية الجلد كنت حطيتها فين؟
آه.. ياإما في الدرج ياإما في الدولاب،
دولاب إيه بس ياأحمد ركز ياأحمد إنت بتصلي، أستغفر الله
الله اكبر
أهوه أنا مركز أهوه،
انظر لمكان السجود وركز في الآيات اللي ببقولها الإمام
الله أكبر
الشيطان ده أعوذ بالله ببخلي الواحد يسرح
مش هو الشيطان بيتسلسل في رمضان،
يعني بيتسلسل تلاتين يوم،
أيوه بس هو رمضان ده تسعة وعشرين ولا تلاتين؟
هو إبتدى إمتى؟
تعالى نحسبها كده..
هو كان يوم السبت في السعودية وفي مصر الأحد
غريبة أوي الحكاية؟
طيب لو واحد على الحدود ورجل بره ورجل جوه يصوم ولامايصومش؟
أحمد.. شفت أهوه إنت رجعت تسرح تاني
الله أكبر
هو إحنا في الركعة الكام؟
يعني هانقوم ولا هانقرأ التشهد؟
لا دي التانية،
طيب أقولك
إتأخر شوية وشوف اللي جنبك هايقوم يقف ولا يقعد يقرأ التشهد
الله أكبر
أيوه دي الركعة التانية،
شفت بأه عشان سعادتك عمال تسرح،
لأ خلاص أعوذ بالله من الشيطان الرجيم
الله أكبر
السجادة دي مريحة ولونها حلو،
هيا سجادة ولا موكيت،
لا...موكيت بنسيج السجاد،
آه على فكرة أبقى افتكر تكنس السجادة اللي في البيت بالمكنسة،
بس لازم أنضف كيس المكنسة عشان بقالي مده مانضفتوش
الله أكبر
الراجل اللي جنبي ده،
رجليه بتزق في رجلي،
طيب أحرك رجلي شوية،
الله ده بيلزقها فيا تاني،
أستغفر الله
الله أكبر
فيه صوت موبايل،
الناس دي ليه مش بتقفل الموبايل ساعة الصلاة..
مش عارفين ان ممكن ده يخلي الواحد مايركزش في الصلاة
مع إن فيه يافطة محطوطة على الباب مكتوب عليها إغلاق الجوال من فضلك
وعليها صورة موبايل عليه علامة إكس..
بس هو الموبايل ده كان نوعه إيه؟
بيتهيألي سيمنس..
هيا إيه الرنة دي؟
آه أنا عايز أبقى أغير الرنة،
فاكر الموضوع اللي كتبته عن رنات الموبايل
الله أكبر
الراجل اللي جنبي ده عمال يتحرك كتير،
أستغفر الله مافيش خشوع خالص،
أنا أهوه مش باتحرك
السلام عليكم ورحمة الله
السلام عليكم ورحمة الله
إيه هيا الصلاة خلصت ؟
السلام عليكم ورحمة الله
السلام عليكم ورحمة الله
أستغفر الله العظيم
javascript:emoticonp('
')
يا رب ما يكون حد فينا زى احمد
مرحــــباً بكــــم 
Makkah Time
Cairo Time
الثلاثاء 04 فبراير 2014, 8:05 am من طرف 
موضوع: أوعى تكون أحمد!! 
