اكبر تجمع للشباب على طاعه الله ..جيش الحق( لو شايف نفسك جدع ادخل وشارك )

بسم الله الرحمن الرحيم

تنويه ( هذا المشروع بدء فى رمضان ومستمر الى اخر العمر ولازال الحشد مستمر )

السلام عليكم يا شباب عاملين ايه منورين ..زعلانين علشان رمضان ماشى اكيد كلنا زعلانين ...واكيد نفسك تفضل بعد رمضان قريب من ربنا صح اكيد وتفضل مطيع له اكيد ... لكن يا خساره متعرفوش ايه الي مستنيكوا بعد رمضان ؟؟؟؟؟؟؟؟ ايه يا ترى عارفين ايه.. ابليس زعيم الشياطين يدوبك هيتفك من هنا وهيجهز جيشه على طول علشان يحاربك ....يحاربنى انا ؟ اه انت يا نهر ابيض.....وياريت الموضوع وقف على كده بس .... ده كمان عمل اتفاقيات مع جهات اخرى علشان يودى سيدك فى داهيه ....ومين الجهات ديه كمان ؟ بص يا سيدى اولهم شياطين الانس ودول موجودين بكل مكان قريبين منك قوى ومين كمان ........النفس الاماره بالسوء والهوى ....يا نهار ابيض وهنعمل ايه .........بصراحه الموقف صعب جدا وعايز رجاله شباب وبنات كمان ..هنعمل ايه ..؟؟؟ طبعا مش هنقدر نحارب لوحدنا .....ده صحيح ....نجيب زميلنا تحارب معانا .... ممكن بس مش كفايه ...يا عم انتا عمال تسدها فى وشنا ليه ....يا جماعه اصلى انا عندى الحل ..... الحل بسيط جدا ..؟؟؟؟؟؟؟؟ ياعم قول الحل وخلصنا الحل اننا ......... نعمل معاهده .... يعنى نشوف حد ينصرنا يقف جنبنا ....؟؟؟؟ وطبعا مش هنلاقى اقوى واعز واجل من الله سبحانه وتعالى ....... انت بتقول ايه ؟؟؟؟ يا جماعه ما تستغربوش هو ده الحل الوحيد .... يعنى هنعمل ايه ؟؟؟ هنعمل عهد مع ربنا نعاهد ربنا فيه اننا نعمل حاجات معينه هاقولها لكوا دلوقتى ..... وهنمضى على المعاهده ديه شباب وفتيات رجال ونساء بس مش عايزين عيال يرجعوا فى كلامهم ...ديه معاهده معى ملك الملوك انت فاهمين ...... والله فجله حلوه طب والكلام ده فنطبقوا ازاى ....؟ انا هكتبلكوا دلوقتى نصوص المعاهده وقروها والى يلاقى نفسه راجل وجدع ...... يمضى فى الاخر ويشارك معنا فى اعداد جيش الحق مش ولاد بس عايزين بنات وولاد بنات زى اسما ء بنت ابى بكر وولاد زى يزيد ابن الثكن ..... ودلوقتى اقروا نصوص المعاهده

· نصوص المعاهده
1- اعاهد ربى على ان احافظ على الصلوات الخمس فى جماعه بما فيهم الفجر
2- اعاهد ربى على ان يكون لي ورد يومى من القران وليكن ربع جزء يوميا (ايه ده ربع بس دول قليلين ...لا يا حلو مانت هتقرا الربع وتفسيره وبعد ما تخلصه هطلع منه اوامر او نواهى او درس مستفاد او ايه اتاثرت بيها ..يعنى ما تقمش من مكانك الا لما تطلع بشئ مفيدليك علشان القران يجرى فى دمك )
3- اعاهد ربى ان اتحلى بالاخلاق الحميده اخلاق الاسلام امانه . صدق .ايثار .اتقان ....الخ
4- اعاهد ربى ان اكون مخلصا فى عملى مجتهد فيه على قدر استطاعتى
5- اعاهد ربى ان اكون ايجابيا ..مشاركا فى نهضة امتى ومجتمعى ..على قدر استطاعتى
6- اعاهد ربى ان احاول وابذل كل ما فى وسعى لكى اعيش على خطى الحبيب محمد صلى الله عليه وسلم ( يعنى اقل حاجه تقول الاذكار دعاء دخول الخلاء والخروج منه . دعاء النوم والاستيقاظ .......الخ )
7- اعاهد ربى ان يكون لى فى كل يوم جمعه صدقه لله (مش مهم كام بس افتكر كل ما تدفع اكتر كل ما فرصتك فى الجنه تكبر وتكبر ....انت بتاجر معى الله يعنى كسبان كسبان )
8- اعاهد ربى ان اقراء فى كل يوم او يومين حديث شريف..للرسول الكريم واناحاول جاهدا اتباع ما جاء فيه
9- اعاهد ربى على ان اكون بارا بوالدى وان اساعد الفقراء والمساكين متى اتيح لى ذلك
10- اعاهد ربى على حفظ كتابه الكريم ان شاء الله فى خمسه سنين ( هناك اخوه احباء لنا عرضو اكثر من طريقه للحفظ جزاهم الله خيرا ..... وهذه احدى الطرق بكل بساطه ........ المصحف 600 صفحه الصفحه 15 سطر كل يوم نحفظ خمسه بس ...يبقى كل ثلاث ايام صفحه يعنى فى الشهر 10 صفحات السنه 120صفحه خمس سنين 600 صفحه ...بس خلا ص )
11- اعاهد ربى على المحافظه على قيام الليل( ولو ركعتين بس )
12- اعاهد ربى ان احاول جاهدا ان اتفقه فى دينى سواء بقراءة الكتب او سماع الخطب .......
13- اعاهد ربى ان امر بالمعروف وانهى عن المنكر ....على قدر استطاعتى
14- اعاهد ربى ان احاول ابلاغ ما تعلمته من الكتاب والسنه الى من هم حولى من اصدقائى واقربائى ومعارفى
15- اعاهد ربى ان احاول جاهدا الاقلاع عن ما يغضبه من اقوال او افعال
16- واخيرا اعاهد ربى على ان اصوم كل شهر عربى الثلاث ايام التى فى المنتصف

خلاص ...قريت شايف نفسك راجل ..... جدع...... تقدر خد بالك ربنا قال فى القران ( ومن المؤمنين رجال صدقو ما عاهدو الله عليه )........... تعاهد ربنا تبقى راجل زى انس ابن النضر .... فاكره عايز تبقى راجل زى شهداء احد عايز يحبك الله ورسوله ..... عاهد ربنا على دول حاجه بسيطه خالص اصل قليل دائم خير من كثير منقطع ......... ايه ده ...امال فين الحرب الى بتقول عليه؟؟؟ا ... ما هو الشيطان مجهز نفسه وهيجم عليك بعد رمضان وطبعا عايز يودى سيدك فى داهيه تيجى نبقى رجاله ونقف ضده نمضى على المعاهده وربنا معانا يبقى هننتصر عاهدنا ربنا خلاص واكيد هننتصر على الشيطان ......يلا يا شباب ايه رايكو ..تدخل معانا تعرف تبقى زى يزيد بن الثكت وزميله العشره ... الحرب هتبقى جامده اوى وفيه ضحايا مش هيستحملو ا ابليس هتثبت فى المعركه ولا هتجرى زى العيال على فكره هيبقى منظرك وحش قوى يوم القيامه ........... بس تخيل لو وفيت بالعهد اكيد ربنا والنبى هيحبك .... وهتدخل الجنه .... ايوه الجنه .....تيجى نتعاهد ..اكيد هيبقى فيه خساير من الطرفين ... يا ترى هينتصر عليك الشيطان كام مره وانت هتزيقه مرارة الهزيمه كام مره ....لو واحد فينا اصيب فى المعركه لازم نقف جنبه ..ونرجعه لصفوف الجيش ...... ايه رايكوا خلاص موافقين موافقين انت موافق انتي موافقه ايوه انت ما تبصش وراك ومتضحكش الامر بقى جد
[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته

ازيكم كلكم اعضاء المنتدى واخى الاقصى العزيز بجد مواضيعك جميله

اوى وخصوصا الموضوع ده وانا ان شاء الله هعمل كده اوبالفعل بدأت

فى حاجه زى كده بس فى حاجه صحيح انا مش قادره اتخلى عنها

ولكن املى فى ربنا كبير ان فى يوم من الايام هسبها

ارجوا منكم الدعاء وشكرا جزيلا

جزاك الله خيرا كثيرا سمكه

السلام عليكم ورحمه الله وبركاته
اللهم يا مثبت القلوب ثبت قلوبنا على طاعتك
اللهم يامصرف القلوب إصرف قلوبنا عن معصيتك أنا وجميع المسلمين والمسلمات أحياء وأموات
ويارب أكون راجل وأسأل الله أن يعينا على ذكره وشكره وحسن عبادته جميعا والله المستعان على ما نقول
وهو حسبنا ونعم الوكيل

» لو كنت شايف نفسك ذكى ادخل وانتة حتتصدم .. ولو كنت شايف نفسك غبى برضه حتتصدم !!
» لا إله إلا الله الملك الحق المبين،؟؟؟؟؟؟؟؟؟؟؟؟؟
» فَإنَ هؤُلاء تجمع لك دنياك و آخرتك
» شارك معى فى اكبر موسوعه لرمضان
» الندوة العالمية للشباب الإسلامي تستقبل الزكاة والصدقة لإخواننا في الصومال