مستحضرات الاذن في الصيدلية تجميعه جامده

السلام عليكم ورحمة الله

لان نقط الاذن عددها قليل ومكوناتها متاشبهة فدي فرصة ان الواحد يعرفها كلها ويكون بكدة غطى فرع من فروع الصيدلية
- نتعرف الاول على اهم المكونات الموجودة فى نقط الاذن
لان شطارتك كصيدلى ( مع كثرة الادوية والاسماء التجارية) انك لما تبص للمادة او المواد الفعالة الموجودة على العلبة من برة تعرف على طول الدواء دة بيعالج ايه

قطرة الاذن معظمها فى تركيبها لا يخرج عن :
1- مسكن للالم فقط
2 - مسكن للالم ومضاد للالتهاب فى نفس الوقت
3 - مسكن للالم + مضادللميكروبات
4 - مسكن للالم + مضاد حيوى+ كورتيزن اومشتقاتة
5 - مضاد للميكروبات فقط
6 - مزيل او مذيب للشمع
7 - محلول مضاد للفطريات

لاحظ : اغلب نقط الاذن تحتوى على قاعدة جلسرين , لذا فاعلبها لزجة وتحتاج للتدفئة قبل الاستعمال
هنعرف اشهر المواد الفعالة مرة واحدة , وبعدين نشوفها مجمعة مع بعضها , ونستنتج استعمال القطرة هيكون اية

1 - مسكن للالم فقط
اهمهم هو المخدر موضعى مثل:
Cinchocaine
Benzocaine
Tetracaine

2 - مسكنات للالم ومضادات ضعيفة للالتهاب مثل:
Phenazone:antipyrine
Choline Salicylate ( اقوى )

3 - مضادات الالتهاب
واغلبها كورتيكوستيرويد ( وتساهم فى تخفيف الالم كمردود لتقليل الالتهاب والاديما)
مثل :
هيدروكوريتزون hydrocortisone
ديكساميثازون dexamethasone
فلوميثازون flumethasone

4 - مضادات للميكروبات
chloramphenicol
chlorobutanol
ofloxacin
( واسع المجال)
ciprofloxacin
(.واسع المجال)
Gramicidin
للجرام + بكتيريا فقط
Framycetin
للجرام + و - بكتيريا
clioqinol
للفطريات و جرام + وبعض انواع جرام –
Acediasulfone
-------------------------------------------------
يضاف هنا مضادات الفطريات
وهى فى صورة سائل ( محلول)
وكثيرا ما تاتى روشتة انف واذن ونجد فيها مثلا درماتين محلول , واحيانا يستغرب البعض ما علاقتة بالاذن وهل فعلا ممكن استعمالة للاذن؟
بالطبع ممكن فى حالة الاصابة بالفطريات
اهم الامثلة :
Coltrimazole
-----------------------------------------------------
5 - مذيب ومزيل الشمع
- Carbamide peroxide
- Soudium docusate
- Oleyl-polypeptide
- triethanolamine
- Glycerin HCO3

- Acetic acid 1.5% with water

كدة استعرضنا معظم المواد الفعالة اللى ممكن تقابلك فى نقط الاذن
حاول تعيد قراتها مرة كمان
لاننا دلوقت هنستعرض باقى الاسماء التجارية للنقط الموجودة , وهنكتب المواد اللى فيها , وبمعرفتك لدور كل مادة يمكننا من معرفة الاستعمال الكامل لنوع النقط

نبدأ باسم الله استعراض الاسماء التجارية لنقط الاذن:

Otocalm Drops

مسكن موضعى للالم ومطهر
المهم انك تعرف انها علاج مساعد فقط فى امراض الاذن , يعنى مش هتعالج الميكروب
وكمان بتساعد فقط على تطرية الشمع وبذلك بيجعلة سهل الغسيل والازلة

شركة فاركو

المادة الفعالة:
Phenazone 5% : مسكن للالم , الفينازون له اسم تانى ممكن يقابلك
= antipyrine

chlorobutanol 1% : مطهر له تاثير مضاد للعديد من البكتيريا والفطريات لكن محدود المجال
(وله استعمالات كتيرة كمادة حافظة فى بعض الادوية ومستحضرات التجميل)

----------------------------------------------------------

Otal drops

مضاد حيوى واسع المجال
مضاد للالتهاب
مسكن موضعى

شركة امون ..

المادة الفعالة

Framycetin sulphate
مضاد للبكتريا جرام + و -

Gramicidin
مضاد للبكتريا جرام +

Dexamethasone
كورتيكوستيرويد , يقلل الريسبونس للالتهاب , والاوديما , ويخفف الشعور بالالم والحرقان

Cinchocaine HCl
مخدر موضعى يخفف الالم

-------------------------------------------------
Otosept

شركة العامرية

المكونات :

Phenazone
Benzocaine
glycerin

-------------------------------------------------

Audax

شركة فاركو

مكونات:
Choline Salicylate
مسكن للالم

glycerin

نتكلم عن مذيبات الشمع

ناخد بالنا كويس ... يحذر استخدامها فى حالة وجود ثقب او ارتشاح فى غشاءالطبلة
وكمان لو فية افرازات من الاذن

CERUMENEX N

شركة فاركو

المكونات :
Oleyl-polypeptide

-----------------------------------------------------

Remowax

شركة هاى فارم

مكوناته :

Carbamide peroxide
glyserol

الميكانيزم بتاعه انة مصدر للبيروكسيد peroxide لذا فانطلاق جزيئات الاوكسجين تؤدى الى تفكك تجمعات الشمع اللينة وكمان له خواص مطهرة

----------------------------

PERROXY

شركة الفرعونية

المكونات :
Carbamide peroxide
glycerin

--------------------------------------------------------

SOLUWAX

المكونات
Soudium docusate
على فكرة دى المادة اللى فى بيكولاكس ...ملينة

glycerin

Ciloprine

تحتوى على:

Acedia sulfone
مضاد حيوى

Carbmide
هنا كاربميد كمضاد للالتهاب ( ليس مصدر للبيروكسيد لذا فهو غير مذيب للشمع )

Cinchocaine
طبعا دة معروف...!!!

شركة مينا فارم

تستخدم لعلاج كل حالات ال Otitis Media

-------------------------------------------------
Viotic
دى قطرة لشركة امون

مكوناتها:

Flumethasone pivalate
كورتيكوستيرويد , مضاد للالتهاب والذى منه ...( اديما , مضاد للحساسية ...الخ)

Clioquinol
مضاد حيوى غالبا جرام + فقط
الاهم انة مضاد للفطريات ايضا ،زى الكانديدا والميكروسبورم

بتعالج الOtitis externa
وبتعالج الاكزيما اللى بتصيب القناة الخارجية

من 2 الى 3 نقط مرتين فى اليوم
لاتستخدم لمن هم اقل من عامين , كما يحذر الاستعمال فى حالة اى ارتشاح او ثقب فى غشاء الطبلة

فى زيها حاجة لشركة نوفارتس" تقريبا ناقصة " هي :

locacorten vioform

نفس مكونات فيوتك

Otocort
نفس التركيبة

شركة هاى فارم

قطرات المضاد الحيوى

قطرات تحتوى على الchloramphenicol
استخدامة الاساسى لعلاج التهابات القناة الخارجية
وهو مضاد حيوى واسع المجال , قاتل للبكتريا عن طريق منع تكوين البروتين فلاتستطيع البكتريا النمو او التكاثر

امثلة :

miphenicol

Otophenicol

من 2 الى 3 نقط فى الاذن المصابة مرتين او ثلاثة فى اليوم

--------------------------------------------------------

قطرات تحتوى على "كينولون" quinolones
اغلبها يتبع مجموعة الفلورو كينولون
وطبعا واسعة المجال وبتمنع تكون البروتين اللازم للنمو والتكاثر عن طريق منع الانزيمات اللي بتساعد في فك ال DNA

زى ofloxacin
ciprofloxacin

بتعالج التهاب الاذن الخارجية والوسطى

امثلة :

otoxin
ofloxacin

شركة سيديكو

-------------------------------------------------

Ciprocort
شركة الاوروبية
التركيب :

ciprofloxacin
hydrocortisone

الاستعمال:
التهاب الاذن الخارجية
3 نقاط مرتين لمدة اسبوع

لاتستخدم فى اقل من سنتين او التهاب الاذن الوسطى او ثقب فى الطبلة

------------------------------------------

Neopred-P
استيراد فى مصر من الاردن
محتويات:
prednisolone acetate
neomycin
Polymyxin-B

الاستعمال :
التهاب الاذن الخارجية
3 او 4 نقط من 3 الى 4 مرات يوميا

تم بحمد الله

ارجو منكم الدعاء

اخوكم ابراهيم

زهره

جزاك اللة خيرا يادكتور ابراهيم
بصراحة مجهود رائع وموضوع جميل

» محاضرات clinical pharmacy جامده جداا وبالمختصر المفيد
» مواقع جامده تختص بالبحث عن الادويه واهميتها وانواعها وحاجات كتير تانيه (لازم تشوفها)
» لماذا ماء الاذن مر وماء العين مالح وماء الفم عذب؟؟؟